انت البداية

لو تعرف حبيبى أد ايه بهواك
لو تدرى بحنينى وأد ايه شارياك
بايعة عمرى كله – للحظة اكونها معاك
وآه يا حلم عمرى ما اللى أنا عايشاه
عايشة يومى بشوق ما أدرى منتهاه
عايشة بكرة بحلم قلبى وروحى معاه
بحلم ببكرة يجينى ويجيب حبيبى ليا
وأنام طاوية أنينى – ماسكة حلمى بإيدية
غمضت بفرحة عينى أشوف سنينى جاية
لقيتك شمس فيها مالية أحلامى نور
لقيتك نجم فيها يملا الليالى سرور
لقيتك أرض بيضا أبهى من البنور
لقيتك سما ايامى فيها كل الكواكب
لقيتك نهر جارى راسية فيه المراكب
لقيتك ملك زمانى سايرة بيه المواكب
لقيتك بكره كله - لقيتك باقى عمرى
لقيت الحب كله ما يوصلّك يا عمرى
أنك حقيقى انت وبس حبيب عمرى
وهعيش حلمى حقيقة وأنت بس النهاية
هعيش كل دقيقة أكتب وصفك حكاية
هقول فى كل ثانيه حبك كان البداية

chokrane laki okhti

شكرا لك عزيزي لي الشرف بمرورك الطيب لي مرة اخرى شكرا لك

» كلمات جميع شرائط و أغاني تامر من البداية و حتى النهاية,