دنـيـا عجيبه ما لهى أمان *** دنيـا تفرق باالغـلاء أثنين
وتسقي لـوعة الحرمان *** وتغـرس نوح والام حزين
وتكوي بحرقة النيران *** وحــرقها يبقــى سنين
وتطرد سرابها عطشان *** وتــرويك بطعمها حنين
مدري تغيرة ولا الزمان *** ولا النــاس العـايشين
كلمة توديهم لعالم النسيان *** وكلمة تزيد الهم همين
هيه يــا بعيد أوطــان *** تريـض واسمــع كلمتين
الغلا ماهو قراءة الفنجان *** الغــلا حبله طويل ومتين
له مكانه يمشي بالشريان *** من أقصى عروقها لليمين
الالم عذب عيوني السهران *** ساهر (ن) والناس نايمين
والموده باينه عنده زمان *** لــو يخبيــها رايــح تبين
يوم حروفي حطها له عنوان *** وسميته انا الوافي الامين
لـو جفاني ماني بزعلان *** المحبه عندي غصنها ما يلين
كم همسه منه اطعتني حنان *** وكم اسعدني بعطر الياسمين
الذكرى عندي مالهى اثمان *** ما تباع وما ارخصها لو بالثمين
الله تسامحنا مع كل انسان *** ولا ننسى افعال الطيبين
ويا الله يا مسقي الضميان *** تسقينا من جنانك يارب العالمين
الأربعاء 3 يونيو 2009 - 3:34
