يالي تقول الحب هيَن اعترف انك صحيح
تعال شوف الحب فيني وكيف ناره تصطلي
وشوف الضلوع المكبسه ولي وراها هو يصيح
طفلٍ يتيمٍ منفطم ما عاد باقي له ولي
الحب يا خلي بلا والقلب من عينك جريح
وعروق قلبي ثايره والدم داخلها يغلي
مدري اذا حب البشر هين وانا حبي فضيح
من يوم ما شفتك غلا والحب يقليني قلي
ان قلت لي شلونك معايه اقول لك لوني مريح
ولا انا قلبي مقطع وحال دمه منجلي
مثل الغصن ل صفر ورقه وانتثر ان هب ريح
ما عاد يبهي العين شوفه لو مكانه معتلي
اكف دمع العين ب ايدي والفرح ابها ذبيح
واسامر بحور التعب والنايفات الزحلي
اخيَط جروحي بصبري والعتب فيها نطيح
ولا جيت ابشكيلك جروحي شفت حبك منزلي
صار الغلا مثل السفينه وانت مينائك شحيح
لا حضن ذيك السفينه ولا تركها بساحلي
ولا قلت بنسالك وجودك فز قلبي وجا يطيح
وقال الغلا وش هو الغلا الا ل حبي الاولي؟!
الأحد 18 أكتوبر 2009 - 4:21
