يعني كذا يرضيك ابقى لحالي
حملتني ضيم وشقا هم وجروح
وترحل تدور شخص ثاني بدالي
الروح لا والله قسم مابقت روح
الروح ذابت منك اول وتالي
كنت افتكر لو بوصف الحب بوضوح
تبقى نصيبي انت تبقى حلالي
لاكن خساره ضعت والقلب مطروح
ضيعت في دنياك رجلن مثالي
كل ماخطيت اجيك وقول مسموح
غالي ولو تخطي تراك انت غالي
واليوم حبك من حشى القلب ممسوح
ممسوح مايعشق ترا قلب خالي
كانك تدورلك على شخص بتروح
الله وكيلك احسن ابقى لحالي
اجامل وابتسم واضحك وانا في داخلي مقهور
احاول اكتم احزاني ورى صدري وأخبيها
أحاول اكتم همومي واخبيها وأنا مجبور
واحاول قد ما أقدر أبعد عن حراويها
لو اني كنت بنطقها مع انها واقفة بالزور
... ولكن لازم اكتمها ولا ابين معانيها
ولو بعض البشر تدري وتكشف خافي المستور
... أببلش في شماتتها وابتعب من حكاويها
طبيعه ماتفارقهم طبيعة من قديم عصور
... ورا حكي القفى تطرد وتنبش في خوافيها
واذا طاح الرجل مرة وصار من الزمن م**ور
... تجيله طعنه بظهره تفاجأ مادرى فيها
تفاجئ مادرى باللي بيصير ومن وراه يدور
...وخابت هقوته فيهم بعد ماكان هاقيها
لجل هذا كتمت الهم في صدري وانا معذور
... همومي في وسط قلبي أخبيها واخليها
واذا زاد الحزن فيني كني وحيد بعالم مهجور
... كأني بدنيتي وحدي وكل الناس جافيها
واذا ودي أبوح بهم أبد ما اكتبه بسطور
... همومي بس في نفسي الحنها واغنيها
مصير الهم يترحل وأعيش بدنيتي مسرور
...مصير الهم ينساني ونفسي ما يعنيها
مصير القلب لو يظلم يجي يوم ويشوف النور
...مصير الناس تتبدل وتتغير مماشيها
اذا صار الذي ودي أبيح خافي المستور
...واخلي الناس تدري بي وبهمومي أبكيها
ولكن بكتم همومي واخبيها عن الجمهور
... وطبع الهم مايهنى بغير ظلوع راعيها
ناس من زمان عنهم كانو احباب صاروا اغراب
تشوفهم صدفه من بعيد ودك تسلم
تسأل عن اخبارهم واحوالهم اللي ياما انشغلت فيها
فرحت لفرحهم حزنت لحزنهم خففت عنهم
كتمت اسرارهم وشاركتهم اسرارك ..بس تهوِّن وتتذكر يوم الفراق ومرارته
مالك وجه تسلم وتكتفي بالنظر من بعيد
ناس خليتهم
ناس خلوك
ناس فرق بينكم الزمن
صداقه سنين مابقى منها الا الذكرى
ناس ودك لو الزمن يرجع عشان تكلمهم وتقول اللي بقلبك ..ناس صعبه توصل لهم .. ناس راحو عن دنيتنا
ناس اختفوا ! ..
اختلفوا هالناس ويبقى سؤال واحد ؟فلان شخبارك ؟
تدري انت .. كل شي بعمري فات
كلمه ودك تقولها لـ"فلان" ..
عتب ..
اعتذار ..
سؤال ..
كلام
بقلبك وماتقدر تقوله لهم بوجيهم ..
تقدر تقولها
هنـآ
وابتدي أنا
..
واوضح الفكره
إلى فـــــــــــــــــــــلان :شفتك من بعيد .. ابتسامتك طمنتني انك بخير ..حتى لو انها ماكانت لي .. حتى لو انك ماشفتني..يكفي انك بخير
//
ممآ رآق لـي
الخميس 22 أكتوبر 2009 - 13:01
